昂熱平手盤獲利「多」 法乙星期五例牌有多場比賽，威威個人心水係查多魯場對昂熱賽事。查多魯近戰只贏過兩場波，全數係法足盃比賽，對手更只係低組別球隊塔布以及雲迪路干，之後一對番同級對手就腳軟。至於昂熱上輪雖輸俾比斯特，但之前4戰3勝1和，擊倒奧連斯、南錫以及阿勒斯賽績冇花冇假，因作客而足智彩保守地開平手盤，梗係撐客隊。（周五9，香港時間周六3:00am開賽） 同時間索察會鬥阿勒斯。後者上場爆冷主場贏南錫，但之前始終賽績太差，一日未證明真係反底都信唔過。至於索察近3場勝仗都係以1球險勝對手，咁計法口「讓和」都幾穩陣。（周五14，香港時間周六3:00am開賽）