屈福特下盤「夫」聲高

屈福特下盤「夫」聲高
 
英冠星期五晚安排比賽，戲碼仲要唔差由般尼茅夫主場對戰屈福特。般尼茅夫係聯賽一哥，唯一不利消息係近況有啲下滑，不如趁屈福特近排腳風轉順，轉捧受讓半、一下盤好過。（周五19，無綫網絡電視301頻道周六3:45am直播）

般尼茅夫係英冠一哥，但球隊近4場波3負，包括聯賽輸俾諾域治、列斯聯同英足盃不敵阿士東維拉，只係贏過弱旅洛達咸，狀態似乎有啲下滑跡象；事實上作為榜首球隊，般尼茅夫主場勝出率亦略嫌偏低，近10戰得6勝，面對前列球隊如葉士域治都未能攞到3分，加埋丹高士寧、舒文同佩尤據報依然未能候命，人腳唔齊下讓球盤讓到半、一有啲過火。

屈福特作客往績佳

至於屈福特近兩場波全勝，最恐怖地方係兩場波一場5:0贏查爾頓，一場7:0輕勝黑池，加埋入咗12球之多，恩哈路、迪尼、馬迪維達同加比爾安祖拿等個個火力全開，今晚造訪般尼茅夫未必蝕底；再講，屈福特出訪般尼茅夫往績原來非常出色，近6場波得3勝3和保持不敗，數據咁好，對手近期又有下滑跡象，受讓捧得過。