捧畢爾包上盤「拉」弓  踢完又踢，踢完又再踢，畢爾包同埋馬拉加已經喺7日內第3次交手，雖然之前兩次都係和波收場，不過畢爾包今晚喺西班牙盃8強次回合有主場之利，讓平手、半球尚算樂觀，上盤加「馬」。（周四3，香港時間周五5:00am開賽） 雙方喺首回合踢成0:0 ，然後上周西甲交手就打和1:1，今晚係短期內第3次交手，睇同埋踢都悶啦，不過畢爾包應該要珍惜呢個機會，事關今晚喺主場贏波的話，就可躋身西班牙盃4強，撞正星級射手蒙尼恩停賽期滿復出，上盤似樣喇。馬拉加近5場比賽都無法取勝，上次贏波已經係月初對弱旅利雲特，走勢相當差，即使列斯奧坐完波監復出都幫唔到幾多，因為沙治奧辛捷士同埋法維奧費拉拿繼續養傷，殘陣下難阻畢爾包開過關，捧平手、半球上盤信者得救。