愛斯賓奴讓客「西」利

愛斯賓奴讓客「西」利
 
西班牙盃8強次回合，西維爾要上演絕地反擊戰有難度，因為佢哋近兩場比賽全敗，加上首回合不敵愛斯賓奴1:3，要有奇蹟談何容易，讓球主客和梗係揀愛斯賓奴開「讓客」啦！（周四4，now632及無綫網絡電視13頻道周五5:00am直播）
西維爾首回合不敵愛斯賓奴1:3，繼而喺西甲又以同一比數輸俾華倫西亞，雖然卡路士巴卡復出後頻頻取得士哥，另一主力丹尼斯蘇亞雷斯嘅腳風亦都好順，無奈球隊防線不穩嘅問題始終未解決，幾位傷兵包括泰莫連拿斯、雷恩斯同埋基斯度科路又復出無期，必然正選麥比亞仲去咗踢非洲國家盃，今晚返主場讓波靠唔住。
愛斯賓奴同西維爾相反，佢哋連埋西班牙盃同西甲共錄得4連勝，上場聯賽更以3:0大勝艾美利亞，前曼城射手卡些度近4仗轟入4球，狀態好到不得了，而剛復出嘅史杜安尼亦交到功課，更加唔介意轉踢翼鋒，全隊嘅信心同士氣都非常好，最重要係阿尼斯阿比拿坐完波監復出，換言之可以夫添出擊，足智彩開讓球主客和，西維爾真係讓唔起，捧愛斯賓奴開「讓客」。