西維爾上盤要“愛”

   西維爾上盤要“愛”

    明晨繼續有三場西班牙盃八強次回合，揀咗西維爾對愛斯賓奴。之前七場對賽，西維爾取得六勝一和，以為食硬愛斯賓奴，點知首回合西維爾就大敗一比三，所以話踢波真係續場計數。

    西維爾要殺入四強，今場最少要齋贏兩粒。唔到你唔信邪，上仗落後三球後，完場前由巴卡追成一比三，呢個作客入球可能就係球隊嘅“還魂丹”，因為以西維爾嘅主場威力，絕對有機會贏到兩球或以上。睇返近三次主場對住愛斯賓奴，全勝之餘亦最少殺兩球。所以初盤西維爾硬讓一球，可以愛得過。

    西維爾今仗一定採取主攻，哥倫比亞射手巴卡入球能力不用多懷疑，新紮小將D蘇亞雷斯越戰越勇，加上利耶斯穿針引線，西維爾鋒力極具威脅性。以愛斯賓奴一般的防守力，西維爾有力平反敗局。

    唔睇好愛斯賓奴最大原因，係踢作客實在一無是處，聯賽九戰只得一勝兩和六負，共失二十球。預料今場為保住兩球領先優勢，必會加強中後場攔截力。可惜防守力始終有限，相信難保不失。

    推介：西維爾2:0