小保加起「菲」捧上盤  阿甲仍未開咧，但小保加同沙士菲會上演附加賽爭取一席來季自由盃參賽席位。小保加已展開聯賽備戰之旅，結果賽和今戰對手沙士菲再贏宿敵河床，狀態似乎起得唔錯；此外，小保加保留到上季一對主力殺手艾曼紐傑利奧迪同卡里利，鋒力唔使懷疑下，初盤少讓平手、半球合情合理。（周三12，香港時間周四9:15am開賽） 沙士菲上季聯賽排名不及小保加，球隊友賽和完小保加後輸咗俾競賽會，狀態似未操起；不過最大鑊係，上季個人入11球，包辦球隊大量入波嘅柏拉圖，季前已轉投巴甲明尼路，鋒力銳減下要威脅小保加唔易。