科特迪瓦上盤屠「隆」   非國盃D組上演最後一輪賽事，由於出現4支球隊都係得2分情況，真係邊隊贏邊隊今晚就會出線。如講到比賽焦點，就梗係要揀喀麥隆對科特迪瓦啦。（周三2，香港時間周四2:00am開賽） 兩隊波頭兩戰令人意外咁全數和晒，仲要場場打成1:1平手，以頭兩場波計實在好難定高低；不過咁，科特迪瓦始終坐擁韋菲特邦尼同耶耶托尼呢對新曼城孖寶，該級數始終會喺得史浩克射手祖普莫亭掛帥嘅喀麥隆之上，只要佢哋有心作賽絕對有力贏波晉級，初盤讓平半捧得過。 同時間畿內亞鬥馬里。前者有中堅費倫丁普巴傷出，馬里亦有門神蘇姆比拿受傷，兩邊都有後防主力倦勤，有利開出入球大。（周三3，香港時間周四2:00am開賽）