切爾達平手盤有「基」 唔經唔覺，切爾達對上一場聯賽勝仗已經要數到去11月頭爆大冷擊敗巴塞，點知打後就再無以為繼；不過唔好因為咁就睇淡佢哋，事關佢哋今晚作客同級嘅基達菲做到熱門，連足智彩都睇好佢哋！（周一7，香港時間周二3:45am開賽） 其實主隊基達菲都唔係好得去邊，對上一場西甲勝仗亦係要數到去2014年11月頭，好衰唔衰後衛伊美利安韋拿基斯今晚需要坐波監，而中場大腦拿辛就要踢非國盃，中後場人腳極之唔齊整，反之切爾達就僅得馬甸達缺陣，前線嘅拉里維、洛尼圖等好波之人全部都出得，平手盤開到低水要得過。