拿玻里讓主趁「熱」食

拿玻里讓主趁「熱」食
 
拿玻里同熱拿亞近況差天共地，後者已經累積5場不勝，而拿玻里就喺聯賽重回勝軌，並且喺意大利盃晉級，今晚意甲仲有主場之利，讓一球都冇問題啦，1.87倍「讓主」趁「熱」食。（周一9，無綫網絡電視301頻道周二4:00am直播）

雖然米捷、恩斯治尼同埋辛尼加繼續養傷，加根奴亦要停賽，不過上周意甲擊敗拉素嘅拿玻里近況並唔差，特別係前鋒希古恩腳風夠晒順，其他攻擊主力好似荷西卡利祖同咸錫又冇傷冇病，主場出擊值得信賴。作客嘅熱拿亞近況欠佳，連續5場意甲未能取勝，雖然西班牙外援耶高法爾基好勇猛，近4場聯賽當中有3場都取得士哥，不過星級射手馬特尼、後防馬查斯同埋安東連尼就會因傷缺陣，難阻拿玻里開「讓主」。

安玻里鬥烏甸捧和局

同日另一場意甲由安玻里主場對烏甸尼斯，兩隊近期都做咗和波專家，安玻里近7場和6場，烏甸尼斯近3戰全和，而且雙方有好多球員倦勤，包括主隊嘅格蘭迪，客軍安玻里嘅基祖、比斯、古靴美托里斯同埋杜米斯，買和局合理。（周一4，無綫網絡電視301頻道周二2:00am直播）