南韓入球細「伊」絲W

南韓入球細「伊」絲W

亞洲盃去到4強階段，其中南韓同伊拉克會爭奪一個決賽席位。南韓踢到依家一球不失，面對伊拉克形勢上似佔優，但始終佢哋有兩員主力因傷退隊，整體入波能力亦唔高，轉捧入球細似更穩陣。（周一1，now671台周一5:00pm直播）

南韓分組賽對阿曼、科威特同澳洲全部贏1:0，8強佢哋90分鐘同烏茲別克悶和0:0，到加時先贏2:0晉級，總結而言球隊過程中一球不失，但入波能力就唔算銳利，捧佢哋90分鐘內贏波唔穩陣。事實上，南韓近年只打起咗一個孫興民，球隊上場都係靠呢位利華前鋒加時階段發威入兩粒，先入到今日4強戰，得一個進攻點要爭取大量「士哥」唔易；再講南韓賽前頗多不利消息，具滋哲同李青龍都先後因傷提早退隊，孫興民冇埋呢兩個好幫手，難免更獨力難支。
伊拉克分組賽利開細
伊拉克上場3:3迫和伊朗，最終射贏12碼晉級；只係咪以為佢哋踢到3:3就係一支有前冇後球隊，實情分組賽佢哋總入球未多過兩球，加埋上場踢成咁，呢日肯定會變得保守先求穩陣，遇着守強攻弱嘅南韓，隨時悶戰一場以一球決勝負。