巴黎客勝「天」經地義  唔發火都唔好當聖日耳門主帥白蘭斯係病貓，自從佢公開指責陣中球員，甚至唔畀堤亞高施華同埋大衛雷斯出席頒獎禮之後，陣中球星都知道佢今次嚟真，所以打後立即醒醒定定連開3W；留意聖日耳門剛剛先喺法聯盃作客贏過聖伊天，短時間之內再一次碰頭可以再捧多次。（周日34，無綫網絡電視302頻道周一4:00am直播） 較早時間雷恩雖然只係面對住包尾嘅卡昂，但小心佢哋可能會冇乜優勢，始終球隊剛剛喺法足盃同蘭斯踢到要以互踢12碼先至分到勝負，成班球員未必有足夠體力應付另一場激戰，反而卡昂有以逸待勞之利，上輪法甲大炒蘭斯甚有驚喜。（周日21，無綫網絡電視302頻道周一12:00am直播）