阿積士「諾」實開主勝  一隊波有幾多料到，某程度睇吓邊個係球隊嘅首席射手就略知一二，好似飛燕諾嘅首席射手就係卡森李察士，不過呢位土耳其前鋒過去連踢布力般流浪都踢唔掂，有幾多料到睇怕大家都心中有數啦；反而主隊阿積士陣中有幾件世界盃荷蘭國腳，中場卡拉臣同埋龍門施利臣大家見慣見熟，加埋波蘭射手米利克在陣夠料開主勝有突啦。（周日3，now671台周日7:30pm直播） 之後格羅寧根喺上個月尾先至對過烏德勒支，當時作客都可以踢成平手攞1分返屋企，相隔僅僅一個月再對多次，仲要主客場互調，會有乜嘢結果相信都唔使浪費時間多講嘞。（周日6，香港時間周日9:30pm開賽）