些路迪讓客「斯」人醒 周中先至出過嘅些路迪再度亮相，換轉係其他球隊一定冇乜體力，不過呢隊蘇超傳統勁旅一向人腳馬壯，前鋒前鋒史杜基斯復出可以拍住約翰古達迪，全隊僅得東尼夫要坐波監，作客開到「-2」都唔會怕榜尾嘅羅斯郡啦，一於追實些路迪博佢哋能夠繼續坐穩榜首。（周六4，亞視國際台周六8:45pm直播） 至於馬瑟韋爾由1月開始已經連輸咗4場，本來唔信佢哋會無了期咁再輸落去，問題係佢哋喺呢幾場敗仗夾埋已經失咗15球波咁多，後防咁弱相信要等一段時間先至可以反底，今晚作客另一隊前列份子登地聯實在係凶多吉少，甚至好有機會大敗一場。（周六29，香港時間周日11:00pm開賽）