巴塞隆拿方興未「艾」

巴塞隆拿方興未「艾」

連皇家馬德里都唔敢保證自己贏硬馬德里體育會，不過巴塞隆拿就喺呢半個月內兩勝對手，成班大帝嘅近況尚算唔錯，返到嚟西甲對番護級份子艾爾切開埋個高水「-2」都要捉實「讓客」。（周六36，now632台周日1:00am直播）

先唔好理巴塞近期傳出內亂，佢哋上場西班牙盃贏到馬體會已經非常唔錯，全隊除咗蘇亞雷斯發揮唔到最佳水平之外，另外嘅「MN組合」即係美斯同埋尼馬都有表現，尤其係美斯少有地唔再做「散步帝」，立即令到前線嘅威脅大增，而傷兵就只係得冇乜點出嘅馬菲奧同埋就快轉做文職嘅華美倫，換言之同「夫添」都冇乜分別，理得對手艾爾切用乜人腳、有邊個缺陣吖，總之捧實高水「讓客」就實食冇黐牙。

維拉利爾讓主有「利」

尾場維拉利爾對住利雲特又係「依絲執」，留意近期無論係大佬杜斯山度士定係細佬莊拿芬杜斯山度都有波入，而利雲特喺近4戰有成3次都係交白卷冇波入，淨係睇見個入波數字就已經分出高低，又係另一場唔捧「讓主」唔得嘅賽事。（周六52，香港時間周日5:00am開賽）