車仔發“福”曼城淘“堡”

車仔發“福”曼城淘“堡”

英格蘭足總盃第四圈今周全面開戰，英超兩大巨頭車路士與曼城，分別迎戰低一、兩班球隊，如無意外可以輕鬆過關，為即將到來的榜首大戰造勢。

車路士對手係英甲球隊巴拉福特，實力毋須多分析，大城市豪門對住小鎮球會仔，世界頂尖級領隊與土炮教頭交手，千萬鎊身價球星與“二打六”嘅踢波仔較技，結果係點，相信大家心中有數。初盤車路士讓兩球半，照捧車仔贏波贏盤造“福”人群。

至於曼城對米杜士堡又係“大蝦細”，上場聯賽輸畀阿仙奴，曼城肯定滿肚怨氣，今仗必會盡情發洩在對手身上。以球隊超強火力，曼城要狂炒對手應該易如反掌，贏唔到三、四球都唔收貨。

米杜士堡目前在英冠排第二位，下季確有機會重返英超行列，證明球隊具一定戰鬥力。陣中踢得之人有荷蘭外援韋舒特、塞拉里昂國腳卡馬拉、西班牙後衛艾耶拉，以及過氣英格蘭國腳活基治等，在英冠的確夠打有餘。不過第五圈對住英超爭標熱門曼城，整定冇運行。初盤曼城讓球半，必捧曼城得“米”。

推介：車路士5:0

 曼城 3:0