馬賽「尼」料開硬上盤    法甲星期五自然有比賽，由尼斯喺主場迎戰馬賽。後者係聯賽二哥，今季唯一缺點係客場勝出率唔算高，近7戰不勝得2和5負，好在佢哋啱啱主場2:1贏咗甘岡，球員信心上起碼唔會有問題，加上球隊僅得阿休去踢非國盃缺陣，算係比較大影響，但其實基格納、泰奧雲同皮耶都可以候命，讓平半抵玩。（周五17，無綫網絡電視302頻道周六3:30am直播） 尼斯聯賽兩連勝，但對手羅連安特今季唔多掂，波爾多就回落緊，睇番佢哋之前係連輸俾朗斯同華倫西恩斯，另主場僅悶和聖伊天，賽績根本一般；再講，尼斯主場近7戰僅1勝，勝出率同樣唔高，絕對有利馬賽打破近期客場積弱數據。