捧川迪讓主贏面「高」   荷甲星期五獨腳戲戲碼係川迪主場對荷華高斯。川迪上周作客1:3大敗俾飛燕諾，但球隊今周有番主場之利，之前面對多德勒支、施禾利同威廉二世等對手亦順利全取3分，有理由相信佢哋係欺善怕惡個類球隊，喺主力如卡斯泰亞奴斯同尤尼斯莫卡達里等都在陣下，初盤熱透合理，1.78倍「讓主」放心捧場。（周五5，now671台周六3:00am直播） 荷華高斯排名遠喺川迪之下，球隊歇冬前後表現亦冇好過，聯賽、盃賽同友賽4戰全敗，仲要一球都入唔到，而三場正式比賽都係輸0:3完場，今晚仲要作客真係捧唔過；再講，荷軍近三次對住川迪原來輸晒，往績都輸埋真係冇得救。