伊朗日本小勝格

伊朗日本小勝格

今日推介兩場亞洲盃八強賽事，頭場先有“兩伊大戰”，伊朗對伊拉克。睇過伊朗在分組賽表現後，絕對有機會成為今屆奪標黑馬，陣中保留十三名踢過世界盃決賽周球員，仲有效力西甲奧沙辛拿嘅法特、西乙拉斯彭馬斯嘅奧查爾、英格蘭查爾頓嘅尼查特及效力俄超勁旅卡山魯賓嘅艾美等唔少在歐洲搵食球員，平均質素一定高於今場對手伊拉克。伊拉克踢法較粗糙，個人技術只屬一般，加上近四次對賽，伊拉克輸足四場，擺到明唔夠“砌”。初盤伊朗讓半球，捧伊朗小勝一球冇問題。

第二場日本對阿聯酋，牌面上日本一定高於阿聯酋，且在分組賽三戰三勝，攻入七球兼且一球不失，進攻與防守都交出水準，盡顯亞洲“一哥”風範。整體實力上，阿聯酋明顯不及日本，但一場過淘汰制，最緊要講鬥心與拼勁，且必會穩打穩扎，加強中後場防守能力，但求先力保不失。日本要大勝對手實在不易，初盤“藍武士”要讓一球／球半，捧阿聯酋隨時可執半個盤。

推介：伊朗1:0日本1:0