雷恩主勝毫無「蘭」度 中游份子往往去到季中就可以諗定去邊度假，例如排喺法甲中游嘅雷恩既無奪標機會，要降班亦係遙不可及，難得有場法足盃32強踢吓，係時候要鬆吓筋骨，同球迷交吓功課。（周四6，無綫網絡電視302頻道周五4:00am直播） 喺32強咁早就抽中另一隊法甲代表蘭斯當然唔係上上籤，不過睇番近況，無論係雷恩定係蘭斯都冇乜特別，好在睇埋其他細微位都仲能夠搵到雷恩嘅可取之處。要留意作客嘅蘭斯已經累積咗8戰都有失波，就算上圈對住聖馬烏都失1球，後防嘅「漏水」問題都幾嚴重吓；再睇埋雙方近期都對過聖伊天，最終蘭斯主場輸波收場，而雷恩至少都能夠和波而全身而退，左計右計雷恩仲要有埋主場之利，難怪主勝得嗰1.68倍。