巴黎讓主「爾」成定局    法足盃32強賽事，巴黎聖日耳門會最尾登場主場迎戰波爾多。巴黎早前作客2:4輸俾巴斯蒂亞之後，教頭白蘭斯嬲到要班大帝加操，結果成班友仔立即唔敢再玩嘢，接連贏咗聖伊天以及伊維恩，卡雲尼同柏斯托尼等前線重心都有波入，今晚有主場之利自然可睇高一線。至於波爾多近8場波兩勝，2015年更只贏過圖盧茲，作客想偷雞難度好高。（周三23，無綫網絡電視302頻道周四4:00am直播） 較早時間摩納哥對住伊維恩。摩納哥近期走勢一流，近5戰僅意外失分俾波爾多其餘全部贏晒，更已連續8場波冇出現過失球，作客近10戰7負嘅伊維恩都係送死居多，要「讓主」。（周三4，無綫網絡電視302頻道周四12:00am直播）