馬拉加上盤寫「包」單

馬拉加上盤寫「包」單 
 
西班牙盃8強首回合賽事，馬拉加同埋畢爾包兩隊衰波交手，理論上邊隊都係爭唔落，不過馬拉加有主場之利相助，對賽往績又明顯有優勢，少讓平手、半球都算着數，1.89倍嘅上盤「包」穩陣。（周三27，香港時間周四5:00am開賽）

馬拉加上周西甲不敵西維爾，不過佢哋踢西班牙盃尚算有啲心得，連續兩圈都淘汰西甲同級對手，包括利雲特同埋拉科魯尼亞，睇嚟有心喺呢項盃賽發展。畢爾包近況更差，佢哋已經連輸3場，近兩場更加冇波入，雖然蒙尼恩嘅停賽令只係喺西甲執行，不過呢位射手今季都冇態，加上另一前鋒古勒莫希亞路因傷缺陣，近6次作客馬拉加又僅嘗一勝，的確冇任何理據值得睇好，足智彩開讓球盤，馬拉加上盤讓得起。

維拉利爾「菲」捧不可

同日維拉利爾亦會喺西班牙盃8強首回合登場，而對手就係基達菲，考慮到黃色潛艇已經連續15場不敗，走勢仲勁過皇馬同巴塞呢啲勁旅，今晚嘅對手基達菲實力又唔強，睇嚟維拉利爾又可以威多次，足智彩讓球主客和放心捧1.92倍「讓主」。（周三12，香港時間周四3:00am開賽）