里昂讓客「特」別介紹    有錢都唔係大晒！好似里昂雖然唔似得聖日耳門咁樣買球員唔使睇價錢牌，但係佢哋目前喺法甲做緊榜首之餘，同時叫緊法聯盃同埋法足盃「三飛」，正向「三冠王」之路邁進！（周二16，無綫網絡電視302頻道周三4:00am直播） 當然要里昂贏晒三個錦標又苛刻嘅，不過要贏番隻本土盃仔就未必好難，今晚喺法足盃32強作客另一隊法甲球隊南特亦都有權晉級！始終里昂喺聖誕去到新年呢段時間真係「弗到漏油」，尤其係上個月尾喺法聯盃同摩納哥踢到要以互射12碼分出勝負，原本以為佢哋會元氣大傷，點知打後竟然連開4W，對手係波爾多、圖盧茲等有級數球隊，夾埋仲入到13球波咁多，其中新晉前鋒拿卡錫迪更加嚟個大爆發，喺呢段時間係咁入波，僅僅用咗半季已經喺法甲入咗21球波，有佢落場又點使驚南特吖！