捧日本讓和「約」定你

捧日本讓和「約」定你
 
亞洲盃分組賽嚟到最後一個賽日，上屆冠軍日本分組賽全勝未失1球，明顯冇一支球隊迫到佢哋出真工夫，而佢哋今戰只需要打和約旦，就肯定以首名出線，教練艾古爾未必會遣強陣下，今場極可能以1球小勝，「讓和」某程度上博得過。（周二2，now671台周二5:00pm直播）
日本喺今屆賽事所向披靡，幾名主力如遠藤保仁、本田圭佑及香川真司都在狀態，而防線上有吉田麻也壓陣亦見穩健，頭兩戰連勝伊拉克及巴勒斯坦有點到即止感覺，睇嚟呢場約旦都好難俾到壓力佢哋。
至於約旦大炒巴勒斯坦，仍有一線出線機會，但基於佢哋首戰不敵伊拉克，某程度上今仗必定要贏至可以出線，而佢哋都唔係絕望，因為對上一次在世盃外圍賽交鋒，約旦就係贏波嗰隊，今次日本點都有戒心，隨時僅勝出線算數。
同時間賽事有伊拉克對巴勒斯坦，巴勒斯坦兩戰失咗9球咁多，擺明係賽事魚腩，伊拉克今場一定要贏，仲要贏得多，因為玩吓手日本輸波，三隊互勝就要計得失球，所以呢口「讓主」係極之穩陣。（周二1，now672台周二5:00pm直播）