車仔少讓“物”錯過

車仔少讓“物”錯過

明晨有場英格蘭聯賽盃四強首回合大戰，利物浦先主場迎戰車路士。之前都講過，利物浦要爭聯賽錦標，基本上唔使諗，今季目標只係剩返盃賽，既然呢隻“盃仔”能夠殺到入四強，當然唔放過捧盃機會。

不過，要過車仔呢關絕非容易，大小通吃嘅“老摩”絕對唔會拱手相讓，由於車仔後備力都有一定份量，並非二三流之輩，所以今仗派出部分副選上陣，紅軍亦未必得到甜頭。初盤車路士讓平手／半球，照捧車仔可以先拔頭籌。

利物浦近三場雖取得連勝，但睇返所遇對手，唔係乙組波就係聯賽下游球隊，實力好明顯都在紅軍之下，是否強勢反彈？今場對住車仔應該自有分曉。

車路士近七次對住利物浦取得五勝兩和，包括聯賽首循環在晏菲路反勝二比一；對住紅軍，車仔確有一定優勢。預料“老摩”今戰會進行輪換，上場聯賽休戰嘅拉美利斯、米基、舒卓尼、沙拿及利美等都有上陣機會，必定施展渾身解數力求上位，一球小勝紅軍應該啱數。

推介：車路士1:0