維拉利爾「包」有三分

維拉利爾「包」有三分 
 
西甲今晚直播戰由維拉利爾主場對畢爾包。維拉利爾過去周中2:2迫和皇蘇，喺西班牙盃再晉一級，球員士氣肯定冇問題。再講，維拉利爾主場一向有把握，近10戰得8勝1和入咗26球而僅失7球，今晚就算有文奴捷古路斯同卓利舒夫一齊坐波監，但仍有杜斯山度士同莊拿芬杜斯山度士等主力可以候命，初盤讓到半一都合理。（周六52，now632台及無綫網絡電視13頻道周日3:00am直播）
畢爾包過去周中西盃主場0:2輸俾切爾達，就算最後憑作客入波優惠晉級，都掩蓋唔到近況回落呢個事實；要知道畢爾包喺聯賽其實已5場不勝得1和4負，就算全隊傷兵得番古勒莫希亞路一個，似乎都唔係維拉利爾對手，作客再輸一場唔出奇。
另一勁旅華倫西亞會鬥艾美利亞。華倫喺西班牙盃反輸出局，好在今晚有番主場之利，佢哋自己地頭連皇馬都唔驚，好難相信會失分俾連輸俾西維爾同基達菲嘅艾美利亞，1.82倍「讓主」信得過。（周六43，香港時間周日1:00am開賽）