般尼水晶宮「和」味濃  「好波不如好運」正正就喺水晶宮身上發生，原本以為佢哋改由柏祖領軍之後都係等降班多，點知柏帥竟然連開2W，近期死好命今晚作客般尼隨時會和氣收場！（周六7，now632台周六11:00pm直播） 柏祖一上場就喺英足盃大炒業餘球隊多佛都算係做足份內事，不過最估唔到嘅就係去到「倫敦打吡戰」都照贏熱刺；目前佢哋雖然有查馬克上陣成疑，而澳洲腳積甸拿克亦要出戰亞洲盃，但係就由阿仙奴借得前鋒耶耶辛洛高，護級前境尚算樂觀，不過死都唔信柏祖攞住呢隊水晶宮可以連開3W，吼和會有驚喜。