双马会 皇家马德里冇走鸡

双马会 皇家马德里冇走鸡

皇家马德里与马德里体育会今晚在西班牙盃十六强次回合再较量，皇马要争入八强，今场至少要赢两球或以上，呢个任务的确较艰巨，皆因近六次碰头，不但未赢过对手，更连输三场，包括首回合输○比二，今场背水一战。不过，皇马主场一向有保证，以球队强大嘅火力，赢一两球应该冇走鸡。

过到初一过唔到十五，马体会强势杀败皇马之后，联赛再挑战巴塞，可惜被对手技术性击倒。虽然近年对住皇马往绩佔优，但今次作客兼畀巴塞打窒条气，今场比较难睇好，何况又揸住两球在手，相信都係大踢守势足球，预料马体会有输冇赢。初盘皇家马德里让一球，博皇马赢两球唔难。

计埋对AC场友谊赛，超劲嘅皇马三连败简直係耻辱。上场终于大发神威，轻取爱斯宾奴三球，由出炉金球奖得主C朗为首嘅“同花顺”重现杀气，今战誓要起死回生。笔者并非打落水狗，唔睇好马体会最大原因，係因为“床单兵团”七日内踢第三场大战，真係惊佢哋散晒顶唔住。

推介：皇家马德里2:0