熱刺「尼」不開捧讓主 英足盃今晚有幾場第3圈重賽，當中熱刺會主場再鬥般尼。熱刺雖然已兩場波贏唔到但全係作客，佢哋喺白鹿徑主場發揮一向好好多，最佳例子梗係月初5:3贏車路士場波，就算稍作輪換，以佢哋班底應該都唔成問題。般尼上輪有運迫和得以重賽，但球隊護級形勢仍水深火熱，客場亦係近10戰4和5負，2.22倍「讓主」熱都要捧場。（周三15，香港時間周四4:00am開賽） 另一場修咸頓將作客葉士域治。前者近況又回升，啱啱仲破27年宿命作客贏曼聯，球隊士氣已達高峰。相反葉士域治啱啱喺前列大戰輸俾打比郡，依家應會專注爭升班，要客勝。（周三14，香港時間周四3:55am開賽）