布拉加「英」該撐讓主 今晚葡聯盃戲碼最強要數到布拉加對科英布拉大學。布拉加雖然啱啱主場輸俾士砵亭，但過往喺自己地頭對弱隊一向有把握，之前9戰得8勝1和，總共入咗26球之多，今晚自然信心十足。科英布拉大學聯賽排第16，呢一刻相信護級比任何嘢更加重要，更何況只係一場分組賽，睇埋佢哋近8戰未贏過劣績計，2.22倍「讓主」冇走雞。（周三6，香港時間周四12:30am開賽） 尾場賓菲加會鬥阿洛卡。前者歇冬後對彭拿弗爾同甘馬雷斯都贏3:0，連埋之前已4場冇失波，攻守都毫無問題；至於阿洛卡聯賽造訪過賓菲加結果輸0:4，證明唔係對手啦。（周三18，香港時間周四4:45am開賽）