甘岡讓客「納」入正軌 法聯盃去到8強階段，頭場摩納哥會主場迎戰甘岡。摩納哥近8戰僅和里昂同波爾多，其餘贏晒對手包括馬賽同辛尼特等勁旅，近況同級數都唔使懷疑，有埋主場之利唔可以睇少。不過客軍甘岡近況都冇得挑剔，近8戰7勝1和仲贏過巴黎聖日耳門，當中近5戰4度保持清白之身，演出唔喺對手之下，因作客受讓可捧2.38倍「讓客」。（周三3，香港時間周四12:00am開賽） 另一場里爾主場對南特。前者近排終於識贏，主場連續搞掂伊維恩同卡昂，球員信心相信已返晒嚟；相比之下南特上場主場竟只能悶和梅斯，歇冬後演出未見進步，要主勝。（周三17，香港時間周四4:00am開賽）