皇蘇有數“維”

皇蘇有數“維”

西班牙盃十六強次回合明晨上演，首回合作客落後一球嘅皇家蘇斯達，今場返到自己“特區”主場再戰維拉利爾，有望報回一敗之仇。

近十三戰未嘗一敗嘅維拉利爾“勢頭”相當勁，仲威過皇馬、巴塞及馬體會的聯賽三頭馬車，但是否勁得咁厲害，不妨放長雙眼去睇。事關近兩場作客對住實力並非太強嘅艾爾切與馬拉加都係和波收場，如果有真材實料真係咁勁，就唔使被對手逼和。皇蘇實力唔簡單，維拉利爾要保住一球領先優勢未必容易。初盤平手，梗係捧有主場之利，兼唔使讓波嘅皇家蘇斯達可以打沉“潛艇”。

皇蘇近五仗主場取得四勝一和，其中先後殺敗馬體會與巴塞兩支超班馬，證明球隊有返咁上下“哥利”。由於首回合落後○比一，今場一定採取主攻，有卡路士韋拿、卡斯特路及簡拿利斯組成攻擊鐵三角，絕對有機會復仇成功。

維拉利爾今季表現的確四平八穩，且前中後三線相當均衡，但講真一句，整體戰力實際上與皇蘇不相伯仲，作客始終蝕章。

推介：皇家蘇斯達1:0