士砵亭平手盤剪「布」

士砵亭平手盤剪「布」
 
葡超今晚上演前列大戰，由四哥布拉加主場對士砵亭。布拉加歇冬前連輸俾馬迪亞拿同馬里迪莫，之前聯賽亦只係贏彭拿弗爾、費利拿等對手，未算受過太多考驗；此外，布拉加今季依靠艾達盧比斯爭取「士哥」，但呢位球隊首席射手成個12月只入過1球，連佢都靠唔住下，難怪主場都冇開讓波而係平手盤。（周日23，有線155台周一3:15am直播）

相比布拉加，士砵亭今季演出可信得多，球隊近10戰8勝，僅輸過俾車路士，但正係經過歐聯分組賽得大戰洗禮，士砵亭應付呢類大戰肯定有經驗得多；事實上，客軍今季有拿尼以借用身份回歸，加埋新星施利文尼同費迪蒙迪路，攻擊力係葡超絕對係數一數二，只要發揮正常，要開平盤客勝冇難度。
較早時間開波國民隊會主場對博維斯塔。國民隊近排成日輸但對手係士砵亭同賓菲加，主場佢哋起碼叫做識贏科英布拉大學同馬里迪莫，是役面對作客近10戰7負失22球嘅博維斯塔，有力贏波贏盤而回。（周日21，香港時間周一2:00am開賽）