羅馬上盤橫「素」千軍

羅馬上盤橫「素」千軍

意甲今晚會上演首都打吡戰由羅馬對戰拉素。羅馬上周僅靠一個問題球1:0贏烏甸尼斯，計埋之前以同樣比數贏熱拿亞同0:0悶和AC米蘭，似乎防守力依然但前場火力有減弱跡象。好在，羅馬今場始終名義上有主場之利，捧場球迷較多，而陣容上亦主要得謝雲奴同施度基達，分別因出戰非國盃而缺陣，影響唔算大下讓平半值博。（周日10，無綫網絡電視301頻道周日10:00pm直播）

拉素唔經唔覺亦已6場不敗，但所贏對手最強都係得森多利亞，另僅和國際米蘭，始終感覺佢哋受到考驗唔算太多；再者，拉素依家傷兵滿營，艾達臣、艾華路干沙利斯、巴夫希特、真迪列堤同埋施安尼都要缺陣，人腳不整之下好有機會計上季後，再一次喺呢場客場打吡戰中失利。
同時間仲有場直播戰由森多利亞主場對安玻里。森多近績有下滑跡象，近8場只贏到兩次，對手更只係布雷西亞同埋維羅納。另外安玻里已經8場不敗，先後贏過拉素等對手，另作客情況下可迫和拿玻里以及費倫天拿，受讓半一實在諗唔到理由唔捧吓場。（周日11，無綫網絡電視302頻道周日10:00pm直播）