拿玻里下盤「斯」人醒

拿玻里下盤「斯」人醒
 
意甲今晚上演意超盃翻版戰由拿玻里喺主場對住祖雲達斯。拿玻里喺早前意超盃射贏12碼捧盃，球員喺信心上已經先贏一仗，而最緊要係佢哋歇冬前輕取帕爾馬，歇冬後上場作客切塞納，竟然仲叻啲大勝4:1而回，前線鐵三角荷西卡利祖、咸錫以及希古恩都有波入，所以就算另一射手加比亞甸尼要坐波監，相信依然冇有怕。（周日25，無綫網絡電視301頻道周一3:45am直播）

祖雲達斯喺歇冬前後遇上國際米蘭，結果贏唔到僅踢成1:1完場，近4周聯賽有3場都係打和，近況似乎稍見回落，勝出率低咗又係作客，仲要讓波真係唔抵玩。再講，祖記今場陣容唔係好完整，卡華禾艾沙姆、巴沙利同羅姆路蘇沙都有傷唔踢得，另邦路斯就要停賽，一次過冇咗兩個後防主力，絕對有利拿玻里爭取「士哥」，讓球盤主隊受讓平半，必撐下盤。
頭場直播國際米蘭會迎戰熱拿亞。國米近8戰僅2勝，但要留意佢哋始終換咗由文仙尼領軍冇耐，上場作客迫得和祖記證明表現有改善；相反熱拿亞歇冬前連輸俾羅馬同拖連奴，上場主場對阿特蘭大又僅踢成2:2，後防不穩難靠。（周日4，無綫網絡電視301頻道周日7:30pm直播）