巴塞再遭絆“馬”索

巴塞再遭絆“馬”索

“噢”巴馬又來了！各位工友千其唔好誤會，唔係講美國總統，而係講明晨場西甲“巴馬”大戰。

巴塞羅那火併馬德里體育會，計埋皇家馬德里，三頭車馬爭個榜首爭得非常激烈，被兩支馬德里市球隊圍剿嘅巴塞要殺出重圍確實不易，今場要戰勝馬體會同樣困難重重。馬體會呢兩年的確未驚過巴塞，無論聯賽、盃賽及歐冠，近六次碰頭，馬體會取得一勝五和未輸過，借助上場在西班牙盃殺敗皇馬嘅銳氣，今戰誓必抗戰到底。初盤巴塞羅那讓一球，必揀馬體會最少可以攞一分。

巴塞上場大斬艾爾切，一洗敗於“皇蘇”嘅怨氣，證明並未受到高層人事變動影響，一於波照踢。不過，艾爾切嘅實力對巴塞嚟講完全不足為患，今場對住馬體會根本兩回事，巴塞肯定踢得更加艱苦。馬體會憑住兇悍踢法，在西班牙盃打到皇馬措手不及，呢招確令皇馬中場難以發揮。相信今場對住巴塞會照辦煮碗，令對手中場組織能力減弱，再以緊密式箝制巴塞“MSN”攻擊組合，但求以一分為目標。推介：和波1:1