般尼主勝「柏」案叫絕 昆士柏流浪喺主場出擊都可以望吓，作客就真係咪搞嘞，偏偏今晚佢哋就要作客，即使對手只係般尼都可以轉吼對家。（周六7，now633及660台周六11:00pm直播） 包埋所有聯賽同埋盃賽，原來昆流今季作客11戰全數都係輸波而回，作客戰績咁差作客任何弱旅都捧唔過。反而般尼喺「快車期」雖然攞唔到好多分數，但係中鋒丹尼艾格斯越踢越好，甚至俾人話係繼查理柯士甸之後另一個令人期待嘅英格蘭新晉中鋒，而佢哋喺呢段時間面對曼城、紐卡素，同埋熱刺通通都能夠保住不敗，對番同級對手有權贏埋。