曼城求“愛”不易

曼城求“愛”不易

打完足總盃後，英超今晚又再回歸，今日重頭戲之一係兩“藍”大戰，愛華頓對曼城。愛華頓今季戰績大跌，雖然目前排第十三位，但實質與降班線球隊只有四分之差，隨時被捲入降班漩渦，所以每場波都要積極搶分，今戰遇上勁旅曼城更要步步為營。“拖肥糖”實力當然不及對手，但勝在有主場之利，近五次在葛迪遜公園球場對住“藍月亮”，取得四勝一負，往績相當有利，證明今仗搶分仍有一定機會。

追吓追吓，曼城已經與車仔並駕齊驅，齊齊排榜首。但講到近期狀態稍嫌銳氣不足，點解咁講？以近三戰為例，雖取得兩勝一和，但對手實力並非強悍，險勝新特蘭與錫周三都贏得相當驚險，更令人失望係呢三場主場共失五球，反映防線出現唔少甩漏，今仗作客兼對住具有一定實力嘅愛華頓，曼城實在冇穩勝把握。

再睇返首循環對賽，藍月亮主場只能一球險勝拖肥糖，場上形勢亦非太過佔優。所以初盤曼城作客要讓半球，不妨考慮愛華頓可以撈“月”。

推介：愛華頓2:1