馬賽上盤「利」潤豐厚   法甲一哥馬賽喺今晚出場，雖然要作客同蒙彼利埃交手，但係以佢哋嘅整體實力同埋往績，要攞晒3分走絕對唔難，足智彩有讓球盤提供，捧馬賽讓平手、半球開上盤獲「利」。（周五10，無綫網絡電視302頻道周六3:30am直播） 蒙彼利埃近3戰不勝，法足盃就吞咗聖日耳門3蛋出局，而且迪爾尼、祖迪倫、域陀蒙坦奴同埋艾特法拿會繼續倦勤，主場出擊都冇乜優勢。馬賽一樣喺法足盃出局，不過佢哋喺法甲仲領先緊聖日耳門兩分，預計會將注意力擺番喺聯賽，巴拉達同埋阿歷辛迪尼係球隊僅有嘅傷兵，前者更加一早受傷，故此對排陣冇影響，以馬賽嘅平均實力，加上近兩次作客蒙彼利埃都贏波嘅往績，是役少讓平手、半球可吼上盤。