利雲特難食“魯”

利雲特難食“魯”

西甲今晚獨腳戲上演一場搶分大戰，由利雲特對拉科魯尼亞，兩隊目前正處於護級邊緣，隨時受到降班威脅，唔係你死就係我亡，激戰在所難免。

計兩隊近年對賽往績、球隊實力、近況表現等，都算係難兄難弟。簡單啲講句，今場波百分百五五波，勝負實在難料。初盤利雲特讓平手／半球，當然揀受讓嘅拉科魯尼亞，至少揸住半個盤在手。此外，兩隊都係毫無殺傷力球隊，攻門乏力，入球開“小”冇走雞。

利雲特不單近八場未贏過且兩連敗，球隊士氣不足，主場戰績亦相當不濟，八戰只得兩勝兩和四負，輸足一半，基本在主場毫無優勢可言。今場仲要讓波，完全冇數據支持，點捧得落手。

拉科亦唔好得去邊，尤其踢作客，近三戰全敗，兼且球數係得一失九，又係幫唔落。不過，上場聯賽擊敗畢爾包，可以提升球隊爭勝鬥心。更值得一提，上次在華倫西亞城球場勁炒利雲特四球，今次重臨舊地仍具有一定信心，一於捧拉科魯尼亞得“利”。

推介：拉科魯尼亞1:0