里爾主勝殺出重「維」  法甲今晚有場獨腳戲由里爾主場迎戰伊維恩。里爾近績雖然麻麻，但爛船始終有三斤釘，再講佢哋主場起碼識贏圖盧茲，亦先後迫和過聖日耳門以及波爾多，今晚主力如路蘭洛斯、馬高斯盧比斯以及馬胡巴等都可以候命，奧歷治喺未需要回歸利物浦下，今晚亦該可以落場，主勝信得過。（周三4，香港時間周四3:30am開賽） 伊維恩聯賽排第18位，護級形勢頗為惡劣，雖然球隊啱啱喺法足盃作客大勝寶碧尼晉級，但歇冬前其實連輸俾里昂、蘭斯同聖伊天，兼場場都失3球，後防表現咁弱，今戰造訪里爾難怪備受冷落啦。