普雷斯頓上盤橫「素」  英格蘭聯賽錦標去到4強階段。今晚會上演第2場比賽由普雷斯頓對華素爾。普軍係甲組三哥，近況亦毫無疑點已10場不敗，包括作客贏一哥布城，以及啱啱喺英足盃淘汰英冠諾域治，前線碧福特同保羅加拉查兩位前英超兵腳風順到不得了，低組別球賽主場開到去讓半、一更覺信心十足。（周三5，香港時間周四3:45am開賽） 華素爾聯賽排第13位，計級數應該同普軍完全冇得比，最重要係佢哋近況亦好一般，剛戰主場0:2輸俾高雲地利，之前更1:4大敗俾史雲頓，遇強隊即腳軟狀況好明顯，首回合先落後機會非常高。