切塞納和局有道「里」  盃賽專家果然係盃賽專家，不過賓尼迪斯返到嚟意甲就要小心嘞，尤其係今季佢哋作客頻頻失分，對住護級份子切塞納頂多捧和波就算。（周二10，無綫網絡電視301頻道周三1:00am直播） 由賓尼迪斯領軍嘅拿玻里能夠擊敗祖雲達斯贏得意超盃唔算意外，不過真係要小心今季佢哋作客好唔穩定，經過半季喺意甲只係贏過熱拿亞、薩斯索羅，同埋費倫天拿，意甲作客贏波場數竟然胖一隻手都數得晒，希古恩同埋荷西卡利祖同時陷入入球荒已經夠晒麻煩。撞正切塞納一定會擺番個「大巴陣」，唔敢捧拿玻里作客贏波，不過要佢哋輸波亦有一定困難。