A米讓主「薩」聲震天

A米讓主「薩」聲震天 

無可否認，AC米蘭喺歇冬前已有復甦跡象，依家下半季再起步，有力爭取更高排名，相反地，佢哋今晚嘅對手薩斯索羅就愈踢愈沉，睇嚟紅黑兵團嘅「讓主」都可以淡定等收錢。（周二3，無綫網絡電視301頻道周二10:00pm直播）
歇冬之前，AC米蘭先擊敗拿玻里，再打和羅馬，以上兩支都係前列份子，加上友賽皇家馬德里居然取得大捷，換轉你係紅黑兵團嘅球員，依家都會信心爆棚啦！事實上，A米嘅傷兵情況已經大幅好轉，暫只有迪施基利奧、阿比迪同埋車路士借將雲堅基爾肯定倦勤，其餘主力好似文尼斯、本田圭佑、艾沙拉維、阿歷士洛里高同埋邦拿雲度拉都可披甲，主場出擊當然秤先。
薩斯索羅就同AC米蘭背道而馳，佢哋歇冬前3場聯賽都贏唔到，包括以2:2和羅馬、1:2負巴勒莫，同埋1:1和切塞納，表現令人失望，兩位意大利國腳前鋒施蒙尼沙薩同埋法蘭斯高阿沙比雖然好波，但係雙拳始終難敵四手，其他隊友質素平庸下，真係冇晒符，所以足智彩開讓球主客和，可以放心捧AC米蘭開「讓主」大「薩」四方。