科爾多瓦平盤「格」局  科爾多瓦同埋CF格蘭納達喺上個月中舉行嘅西班牙盃已經碰過頭，當時科爾多瓦僅敗予對手出局，不過嚟到呢場「6分波」就一定會以3分為首要目標！（周一3，香港時間周二3:45am開賽） 護級大戰往往都係主隊佔優，尤其係科爾多瓦近期除咗不敵巴塞隆拿之外，由上個月尾開始無論係對住畢爾包、利雲特等球隊都冇點大敗，後防已經明顯好轉。反而作客嘅CF格蘭納達喺近6戰夾埋失10球咁多，換言之每戰起碼有1球失波，防線太過脆弱嚟到護級大戰梗係蝕底，加埋中場伊度拉停賽，同時桑卡路士佩雷斯以及謝臣梅里路等人仲未出得番，有咁多不利因素撐科爾多瓦坐和望贏。