熱刺「尼」料要捧客勝  喺「快車檔期」3戰僅取2分嘅般尼目前一定係以護級為首要目標，喺英足盃遇到大勇嘅熱刺可以疊埋心水全力護級。（周一2，香港時間周二3:45am開賽） 般尼近期對住曼城同埋紐卡素都可以喺落後嘅情況下和到對手，近況尚算唔錯，問題係佢哋冇太多兵源玩埋盃賽，始終護級先係首要任務，今晚隨時會派副選落場就算。不過就算般尼會出真功夫都好，作客嘅熱刺上場先至大破死敵車路士，其中新星哈利卡尼更獲一致好評，加埋安祖斯唐辛，以及踢親盃賽都有表現嘅拉美拿等人，就算雙方鬥攻都係作客嘅熱刺佔盡上風，1.72倍客勝有番一定分頭唔可以錯過。