珀斯光輝主勝實「德」  仇人見面自然唔會留手，珀斯光輝喺澳足盃決賽正正就係不敵阿德萊德聯痛失冠軍，嚟到澳職再遇對手梗係唔會留手。（周一1，有線64及203台周一5:00pm直播） 仲記得珀斯光輝喺上個月中舉行嘅澳足盃決賽不敵阿德萊德聯，不過佢哋冇因為咁而走到下坡，打後仲贏到中岸水手同埋墨爾本勝利，既然走勢冇乜問題再遇對手當然唔會就咁罷休！反而阿德萊德聯捧完澳足盃之後，近期只係贏過FC悉尼，不過對住紐卡素噴射機以及威靈頓鳳凰都要失分，淨係睇近績就已經分到高低。 再睇埋榜首光輝今仗僅得舊有傷兵靴斯以及尼高斯唔出得，換言之佢哋幾乎能夠以「夫添」迎戰對手；加埋佢哋喺主場連開5W嘅強勁走勢，絕對有條件報番澳足盃輸波之仇，2.08倍主勝跟「德」過。