森多下盤橫「素」千軍

森多下盤橫「素」千軍 
 
齋計聯賽排名森多利亞的確係不及主隊拉素，不過就算佢哋嘅贏波場數不及對手都好，千祈唔好睇漏今季佢哋只係試過不敵國米咁大把，受讓半球、一球捉實下盤隨時有意外驚喜！（周一4，無綫網絡電視301頻道周二3:45am直播）

唔睇吓個意甲積分榜都未必會知森多利亞今季只係輸過1場，輸波場數竟然同榜首祖雲達斯一樣，只係因為佢哋經常和波失分先至搞到排喺中上游，否則一早就威脅緊祖雲達斯同埋羅馬。
而拉素今季嘅成績亦相當不俗，喺12月曾經擊敗過帕爾馬同埋阿特蘭大，上仗亦同易帥嘅國米踢成平手，問題係佢哋以上球隊唔係弱旅就未有狀態，根本就未受過真正考驗。而最令拉素頭痛嘅係佢哋陣中有太多傷兵，前線嘅高路斯嚴重回落，而中場碧基亞、後衛巴夫希特、施安尼，甚至係般奴彭利連拿都有傷未能上陣，中後場嘅實力嚴重打折，喺呢段時間僅得老將莫利同埋菲臘安達臣有過表現，問題係前者已經年過30，唔夠體力場場搏殺，用到殘陣對住唔識輸嘅森多利亞讓到半、一似乎過晒火位。