巴塞讓和「家」常便飯  除咗華倫皇馬，巴塞亦會喺今晚作客皇家蘇斯達。巴塞眾將都係放完長假歸隊冇耐，要小心狀態可能未操起，但佢哋始終有齊美斯、尼馬同蘇亞雷斯，當中尼馬休息期間踢咗幾場表演賽，今晚球隊可能靠佢搵食都未定。至於皇蘇搵莫耶斯領軍預咗戰績唔會有乜提升，但以往教曼聯佢主場對強隊都唔會太主攻，喺冇埋卡路士韋拿下肯定會更為保守，一於博客軍小勝開「讓和」。（周日34，now632台周一4:00am直播） 另外愛斯賓奴會主場面對伊巴。前者歇冬前大勇6戰5勝，相反伊巴歇冬前已見下滑兩連敗，主勝可以用嚟做腳。（周日30，香港時間周一2:00am開賽）