皇馬讓和無與「倫」比

皇馬讓和無與「倫」比 

捧完世冠盃之後，皇馬又返去西甲戰場，由於友賽輸波唔計數，所以銀河艦隊仍然追逐緊佢哋嘅連勝紀錄，雖然今晚嘅對手華倫西亞幾惡踢，但預計皇馬都可以小勝開出3.65倍嘅「讓和」。（周日24，now632台周一12:00am直播）

華倫西亞歇冬前喺聯賽以1:0險勝伊巴，總算保持近5場正式比賽不敗，而由葡超實菲加過檔嘅阿根廷國腳中場安素佩雷斯，亦會喺今晚處子登場，好可惜查維富亞高要坐波監，少咗呢位防守中場，蝙蝠兵團嘅掃蕩同埋攔截力將會削弱，而柏高艾卡沙雖然喺對伊巴一戰射入全場唯一入球，但係呢位西班牙前鋒新貴傷癒後仍然未操起狀態，入球率同季初相比明顯下降，唯有寄望曼城借將尼格度同埋皮亞堤可以分擔重任。
皇家馬德里喺歇冬時去咗阿聯酋踢友賽，結果慘敗俾AC米蘭，好在非正式比賽唔計數，否則歇冬前嘅22連勝就無厘頭斷攬，粉絲可以鬆一口氣啦！C朗、加里夫巴利同埋占士洛迪古斯都可以披甲上陣，今屆大勇嘅賓施馬亦準備好落場，銀河艦隊嘅進攻線咁鬼齊腳，贏波冇問題啦！

莫迪歷短期內復出

克羅地亞中場莫迪歷雖然養緊傷，但據報康復進度非常理想，一月份之內勢必可以復出，對皇馬嘅士氣亦係一大鼓舞，雖然華倫西亞唔係流，並非話贏就贏，不過皇馬始終追逐緊連勝紀錄，小勝應該做得到，買3.65倍嘅「讓和」啱啱好。