西甲雙雄歷險記

西甲雙雄歷險記

西甲兩大班霸，皇家馬德里與巴塞羅那今晚分途出擊，將要對住華倫西亞與皇家蘇斯達，由於作客關係兼對手非善男信女，雙雄隨時有失分可能性，要讓波，各位捧場客確要三思。

“蝙蝠軍”今季主場實在不容忽視，八戰六勝一和一負，攻入十八球只失四球，唯一一場輸波，只係一球敗於巴塞腳下。講攻門次數與中目標射門，都係比巴塞佔優，完場前輸波只係時也命也。憑住主場出色發揮，今晚挑戰皇馬，蝙蝠軍絕對輸唔晒。皇馬強勢的確銳不可擋，不過上場在杜拜踢表演賽，被AC米蘭連轟四球，證明世界上冇十全十美兼必然。皇馬今戰初盤要讓一球，要贏波又贏盤並非容易。

巴塞作客皇家蘇斯達同樣有危機，首先巴塞近五次作客對住皇蘇未贏過，更有三場敗陣，雖然皇蘇目前處於下游位置，但歐戰出局後，表現穩步上揚，尤其主場出擊更標青，今季在安魯達球場曾經殺退皇馬與馬體會，巴塞都咪話唔驚。初盤巴塞羅那讓球半，捧皇蘇更值得考慮。

推介：兩場和波波膽 2:2 （二串三夠晒和味）